放血－－有得放，真係唔放？

病人：「醫生，我又發燒，又頭痛，好辛苦呀！我咩事呀？」
醫生：「你有感染呀。我地幫你放血啦，放哂血液入面既毒素就好架啦。我地有商有量，點樣放，放幾多可以慢慢再傾。」
病人：「吓？呢個唔係幾百年前巫醫既做法黎架咩？現代醫學標準唔係要比抗生素架咩？」
醫生：「呢個世界冇所謂符合現代醫學標準。你不如放著血先？有得放，真係唔放？」
病人：「你又話有商有量？我都係想要抗生素呀，得唔得？」
醫生：「我地只可以喺巫術框架入面討論，有根有據。」
病人：「再傾傾先得唔得呀？」
醫生：「我地已經作出左決定，你再傾都唔可以改變結果。用抗生素有風險，我地要零風險。我地有用最安全既方法，唔可以接受任何風險...」
病人：「我要投訴！」
醫生：「投訴影響社會繁榮穩定，相信絕大部分市民都唔可以接受。你不如放著血先？有得放，真係唔放？」

(寫於2014年8月13日)